Hans-Peter

Hallo zäme,

mit dr Fiummusig vo "The Good, The Bad, and The Ugly" begrüesse mir euch. Wenn so ne Spaghetti Western im Fernseh isch cho, ha ig meistens nid das chönne luege wo ig ha wöue. Und wenn dr Bud Spencer de aube eim uf e Gring gäh het, de hei mir üs ab sim härzleche und sehr lute Lache aube fasch müesse schäme. Dr Pap het sich eigentlech nie drum kümmeret was angeri über ihn dänke. Und das isch öpis wo üs verbindet.

Verbunde het üs ganz viu:
Das ig ha afah schutte, isch ke Zuefau gsy. Dr Pap isch denn Presi gsy vom FC Aarbärg und het scho denn vorgläbt, dass me sich für ne funktionierendi Gseuschaft muess isetze.
1986, wo YB für ne langi Zyt ds letscht mau isch Meischter worde, het är mi i ds Wankdorf mitgno - 32 Jahr später bi ig wider im Stadion gsy, är deheim mit mine Töchtere vorem Fernseh; und sy verzeue no hüt vo sine Jubuschreie wo sie hei gwunne.

Mini erschte grosse Velotoure si mit em Chindervelöli vo Aarberg uf Erlach zu mine Grosseutere gsy. Ohni Panne hei mirs nie gschafft und mängisch bi ig schlussendlech ufem Gepächtreger vom Pap dert acho. Aber ig ha glehrt, mit em Velo chunnsch immer und überau häre. Vielecht bruchts mängisch chli lenger, aber es isch derfür es bsungerigs Erläbnis.

Mini Passion für ds Ruedere het mir ere legendäre Gummiboot-Tour vo Erlach uf d St. Petersinsle agfange. Ir Heufti hei mir eis Rueder verlore gha, ds angere isch broche und dr Pap het mi schwümmend müesse i ds Zieu stosse. Ersch mängs Jahr speter ha ig begriffe wie läng die Insle eigentlech isch.

D Faszination Natur und d Geduld wo ig hüt bruche zum fotografiere, hani äbefaus scho aus Ching glehrt, we är mi het i d'Schwümm mitgno, oder zum gah Fische.

Und o we mir i viune Sache vielecht ganz ungerschiedlech sy gsy. Sy säubscht die Ungerschiede vo ihm prägt gsy.

Die Person wo ig hüt bi, wär ig ohni mi Vater nid worde.

Merci Pap für aues.

Liebe Trauerfamilie, 
Liebe Trauergemeinde

Hans-Peter und ich sind als Einwanderer nach Aarberg gekommen. Er von Erlach, ich von Kerzers. Beide hatten wir uns dem Beruf als Dienstleister verschrieben. Seine Frau Evelyn und meine Frau Irene lernten sich im Schwangerschaftsturnen kennen. Der Hans-Peter und ich im FC Aarberg. Hans-Peter war ein ehrlicher, zuverlässiger, treuer und liebenswerter Mensch. Seine Familie, Evelyn, Patrick und Stefanie und die Enkelkinder waren Ihm immer das Wichtigste. 
Als Hauptmann der Verpflegungstruppen (QM) war Ihm der Umgang mit Lebensmitteln sehr vertraut. So war nicht verwunderlich, dass Evelyn in der Küche regelmässig zurückstehen musste. 
Seine Familie bestand aber nicht nur aus seiner Frau und den Kindern. Seine Familie war wesentlich grösser! Seine Chüngle lebten bestens betreut im Chalet am Aarekanal enet der Bargenbrücke.
Man kann sagen, sie wurden täglich von Hans-Peter verwöhnt. Seine Passion und Leidenschaft für die Tiere führten zu vielen Auszeichnungen. Während Jahren war er im OV Erlach und Aarberg im Vorstand tätig. Nach langjähriger und verdienstvoller Arbeit für den Schweiz. Englischschecken Klub erhielt er 2018 die Ehrenmitgliedschaft.
Auch im FC Aarberg hat er seine Spuren hinterlassen. Von 1980 bis 1985 diente er dem Verein als Sekretär und Beisitzer. Ab 1985 bis 1990 führte er den Verein als Präsident. Lange Zeit wirkte er auch im OK des Grümpelturniers mit. An der Klubversammlung von 1990 wurde ihm die Ehrenmitgliedschaft verliehen.
Unsere Familien waren in all diesen Jahren eng verbunden. Am Silvester haben wir zusammen mit den Kindern das alte Jahr verabschiedet und das Neue begrüsst. In den letzten Jahren zu viert!
Unser jährlicher Ausflug mit Marti Reisen war auch für dieses Jahr schon gebucht. 
Die Natur hat es anders gewollt! Sie zeigt uns den Weg! Wir sind traurig über den Verlust von Hans-Peter aber froh dass er nicht länger leiden musste.
Lieber Freund, wir wünschen Dir alles Gute auf Deiner Reise in die geistige Welt. Wir werden Dich nicht vergessen!

Lebe wohl!

Renat

Grosspapi,

mir möchte dir mit dem Brief hie Merci sägä, für aues wo du für üs hesch gmacht und mir dank dir hei chönnä erläbä:

Au diä schöne Momäntä bi de Chüngeli, dis feine Ässä, dini luschtigä Gschichte und dini liebävoui Art.

Mir wüsse no genau, denn wes bi dä Chüngeli Jungi het gä, si mir immer sehr gärn zu dir cho zum dini chline Chüngeli chli z beschäftige. Mir hei dank dir so e schöne Platz gha, wo mir immer hei chönnä mache, was üs Spass macht. D Noa und d Zoe hei lieber d Chüngeli gstrichelet - dr Mael u dr Yanick si lieber im Waud ga spile.

Mir si mega dankbar das du üse Grosspapi bisch und werde di immer i üsem Härzä trage.

Noa, Yanick, Mael und Zoe